Heb 1 | NSN | STEP | Sioununtiehe tun God ke mene keip toso bungugigeig tasir propet tar bureher binak, kare tar mamang hagarilik.

a 1.2 Jon 1.3

b 1.3 Jon 14.9; Kol 1.20; Hib 8.1

c 1.4Pil 2.9

d 1.51OUTT 17.13; Apo 13.33

eKer 2.7

f2 Samuel 7.14

g 1.6 Roum 8.29

hUalatut 32.43

i 1.7Ker 104.4

jKer 104.4

kKer 45.6-7

lKer 102.25

mKer 110.1

n 1.14Ker 34.7; 91.11

Hebrews 1

O Mahar 1

No Uelhire God ke mene keipin tar tun ger keketik bulout

1 Sioununtiehe tun God ke mene keip toso bungugigeig tasir propet tar bureher binak, kare tar mamang hagarilik. 2 ^aBo tar binaka pukulanine daan, God ke mene keip tar tun ger keketik bulout tono uelhire tagigeig. God ke ualapagaha tar tun tere kale uahiua tar mamang inetelik. Tatanon, God ke touo keip tatanono tar mamang inetelik i ran dohi kot. 3 ^bInggono tere ualasira tar balbalana na uiniatoro God, doh inggono teke kale uakapa tun hape re baka pe God, kare kale toto tokaha tar mamang inetelik tono uelhire popokoh. Binaka ke uadelauana baka peono teregi niguata uasaeig, kare la tabilangua tar pang mua tang God ger tampopokohontiehe tun i Heuen.

4 ^cTemaeit inggono ter i rana kai uainintiehe tasir anggelou ter siokono kompe tar hanga ke heirin God tatanon a irana kai uainintiehe tar hangasisin. 5 ^dGe God pe ahik pah ke kula pare, me tang siokor anggelou,

“Ingga a tuguo, daana ku kotpokoso inggo a tamoumua.” ^e

Doh ahik pono pah ke kula me anggelou pare,

“Inggo u turung kotpokos a tamanon,
doh inggon e turung kotpokos a Tuguo.” ^f

6 ^gDoh tar binaka tun ke marang heirihaono tar tun ger uoum ger bulout i kot, inggono ke kula pare,

“Inggoum, no anggelou uakapa tun God, mu lotu tatanon.” ^h
7 ⁱKare kula pare tosno anggelou,

“God e guata sira tasir anggelou misiana tar rom,
doh tosno tamatang kalekinale o nituha keip toro luhluhuna ro hue.” ^j
8 Bor Tunono teke kulaiono pare,

“Ingga a God, nongo tabtabilang toiaa
o turung moko dedela tar mamang binakalik,
Ingga o kaueke keip tosnongo tamata tenang nitoia tar niguatar kodkodoh.
9 Ingga o malauelhir tar niguatar uia, karo de tar niguatar sa.
Temaene, God ge nang Goda, ke uelpikur keip totomua tar uaiuaiang uah,
a hagaring ueltad a uleik uain tar niuaheit ke heiriono toso uanotoumua.” ^k
10 God ke kula pono pare,

“Tar uakikilanganar binak, ingga teko touo tar tagirinar kot,
doh tar limoum katong, ingga ko tou i ran.
11 Rasin ura turung rou, bo ingga o turung uangoul dede,
rasin ura turung pensioun, kaura mout sira toro gomono pensioun.
12 Ingga o turung ligun sira tasrasina toro kokop,
doh rasin ura turung uapalih.
Bo ingga puk o turung uangoul sira kompela pare tar mamang binakalik, ahik paho palih tagu.” ^l

13 Doh God ahik pah ke kula sira tagu me anggelou misiana ke kula pe tar Tun,

“Tabilane tar pang mua totoguo,
e tuka getu touahiua inggo tosnongo uelmatana
ra uangoul i kukulebanga totomua.” ^m

14 ⁿO hauanguasinar anggelou? Gisin o iaben gera kalekinale tang God, doh no ualualatueon tar poul tasisit ra uelkarusis.